Iginiit ni Vice Pres. Leni Robredo na mahalagang malaman niya kung sinu-sino ang high-value targets sa war on drugs ng gobyerno para matiyak ang tagumpay ng paghuli sa kanila. Dagdag pa ng Bise Presidente, gusto niyang maging data-driven at evidence-based ang kanyang magiging istratehiya sa pagsugpo sa iligal na droga.
Matatandaang may alinlangan si PDEA Director-General Aaron Aquino sa paghingi ni Robredo ng classified information gaya ng high-value targets ng war on drugs. Aniya, wala naman sa mandato nila ni Robredo bilang chairpersons ng Inter-Agency Committee on Anti-Illegal Drugs ang pagkakaraoon ng listahan ng high-value drug personalities.
0 Comments